චූ කරලා නිදියපාං…

මෙතන ඉතිං කතා 2ක් තියනවා.  කමක් නෑ නේද? මුලිංම 176 කතාව කියන්නංකො. මාතෘකාවට අදාල කතාව තියෙන්නෙනං ඊට පස්සෙ. දෙකම ටිකක් එක වගේ නිසා එකටම ලියන්න හිතුවා.

ඉබ්බා ඉස්කෝලෙ යන කාලෙ බ්‍රහස්පතින්දා හවස නුගේගොඩ ලීඩ්ස් එකෙ තිබ්බා කළුවගේ ෆිසික්ස් ක්ලාස් එකක්. ඉබ්බත් ඉතිං බ්‍රහස්පතින්දා 176 ස්කූල් බස් එකේ නැගලා නුගේගොඩ හන්දියෙං බැහැලා නාවල පාරෙ තියන ලීඩ්ස් එකට යනවා. නුගේගොඩ හන්දියෙං මුලිංම යන්නේ 176 ස්කූල් බස් එක. ඊට පස්සෙ තමා හෝමාගම ස්කූල් බස් එක එන්නෙ. හෝමාගම ස්කූල් බස් එක රන් කළේ සීනි කූරා. කොහොම හරි ඒක හන්දියට එන්න කලිං පන්තියට පැනගන්න ඕනෙ. නැත්තං විනාසයි. එක්කෝ හූ තියනවා, නැත්තං වතුර ගහනවා, ටර්ම් එක ඉවර වෙන්න ළඟ නම් බිත්තර පාරවල් වදින්නත් ඉඩ තියනවා.

ඔන්න දවසක් ඉබ්බත් බුවා වගේ 76 බස් එකෙං බැහැලා නුගේගොඩ හන්දිය මැද්දෙං පාර පනින කොට හෙන සද්දයක් ඇහිලා බැලුවා.හෙණගහපිය! හෝමාගම ස්කූල් බස් එක එනවා.බාගයක් පාර පැනලා හිටපු ඉබ්බා දඩ බඩ ගාලා ඉතුරු බාගෙ පැන්න ඉතරයි මෙන්න යකෝ මුං ටික කෑගහනවා

ඕකා පො*** කියලා.

මළකෙළියයි. ඉබ්බත් ඉතිං ඉබ්බට නෙවෙයි වගේ හිමීට ඇවිදං යනවා. මෙන්න බොලේ ඒ පාර මුං කියනවා

ඔය දුඹුරු පාට බෑග් එකක් අරං යන එකා පො*** කියලා.

දැං නං වැඩේ පොඩ්ඩක් අවුල් වගේ. ක්ලාස් යන කෙල්ලො හිනා වෙනවා. බස් හෝල්ට් එකේ ඉන්න අංකල්ලයි ඇන්ටිලයි ඔරෝනවා 🙂 .ඉබ්බා අඩියට දෙකට එතන හිටපු රටකජු කාරයෙක්ගේ කරත්තයක් අස්සට රිංග ගත්තා.

මෙන්න යකෝ මුං ඒ පාර කෑගහනවා ඔවු ඔවු, අර රටකජු කරත්තෙ අස්සට ගිය එකා පො*** කියලා.

බේරුමක් ඇත්තෙම නෑ. ඒ මදිවට ස්කූල් බස් එක ට්‍රැෆික් එකේ හිරවෙලා. යන්නෙත් නෑ.ඉබ්බට පොළව පලාගෙන යන්න හිතිලයි හිටියේ.ඉබ්බ දඩබඩ ගාලා අර අතුරුපාරට පැනලා පන්තියට රිංග ගත්තා.

ඒ කාලෙ ඉතිං පාරෙ ඉන්න අයට කෑගහගෙන යන එකත් ලොකු වැඩක් නේ.පුදුම ආතල් එකක් ගත්තෙ.ඉබ්බා පැළවත්තේ පියතිලක සර්ගේ ගණං පන්ති ගිහිං රෑ වෙලා ගෙදර එන්නේ බත්තරමුල්ලට ඇවිත් එතනිං තව බස් එකක නැගලා. ඒ පැත්තට එන්නේ ඉබ්බයි මල්මාලුයි තව කීප දෙනෙකුයි ඉතරයි. කොල්ලො 15ක් ඉතර යුධබාහුගේ වෑන් එකේ සෙට් වෙලා බොරැල්ල පැත්තට යනවා. මල්මාල් ක්ලාස් එන්නෙ යලට මහට. මල්මාල් ඒ දවස් වල ඊස්ටන් බෑන්ඩ් එකේ ලොකු සෙනෙවියෙක්. ඊට පස්සෙ අවුරුද්දේ මල්මාල් ලොකුම සෙනෙවියා වෙලා පළවෙනි තැනත් දිනලා දුන්නා 🙂 .

කොහොම කොහොම හරි ඉබ්බත් ඔන්න දවසක් තනියෙං අටාමාරට ඉතර බත්තරමුල්ලේ හෝල්ට් එකට වෙලා ඉන්නවා ඊළඟ බස් එක එනකං. වේගෙන් ආපු වෑන් එකක් ජරබරාස් ගාලා බ්‍රේක් ගහලා ඉබ්බ ඉස්සරහා මහපාරෙ නැවැත්තුවා. ඉක්මණටම වීදුරු කීපයක් ඇරුනා.

අඩෝ ඉබ්බා, චූ කරලා නිදා ගනිං, චූ කරපාං… කිය කිය බොරැල්ලට යන සෙට් එක කෑගහනවා.

හෝල්ට් එකේ මිනිස්සු ඉබ්බා දිහායි වෑන් එක දිහායි බල බල මේ මොකක්ද බොලේ මේ වෙන්නෙ කියලා කල්පනා කරනවා.ඉබ්බ එකසිය ගානට ඇඹරෙනවා.අන්තිමටම ඩිකා කෑගහනවා

චූ කරාට ඉතරක් මදි, හොල්ලලා නිදා ගනිං…කියලා(ඩිකා හැමදාම ඒ කෑල්ල කියනවා).

ඉක්මනට වීදුරු වහගන්න කට්ටිය වේගෙං නොපෙනී යනවා.

මේ වැඩේ කීප පාරක් වුනා.ඒක නිසා ඉබ්බට සිද්ධ වුනා බත්තරමුල්ලෙන් බහින එක අතඇරලා තව ටිකක් ඉස්සරහින් බහින්න. එතකොට ඊළඟ බස් එකක් අල්ලගන්නත් ලේසියි.දවසක් ඉබ්බයි මල්මාලුයි අළුත් තැනින් බැස්සා.සුපුරුදු ජරබරාස් සද්දෙ ඇහුනා.දැං කට්ටියා හෝ ගාලා කෑ ගහනවා.මල්මාලුත් ඉතිං සෙනෙවියනේ.ලේසියෙං අත අරින්නෙ නෑ.මල්මාල් මහ හයියෙන් කෑගහපි

ආ…කට ඇරගෙන හිටපාං…කටට චූ කරන්නෙ කටට…කියලා.

වෑන් එක වෙනදට වඩා ඉක්මණට අතුරුදහං වුනා.මල්මාල් හිටපු නිසා බේරුනා. 😛 හිහ්.

Advertisements

ප්‍රතිචාර 12

  1. palaamalla said,

    ජූනි 20, 2010 at 4:31 ප.ව.

    මරු කතා ටික… නුගේගොඩ සීන් එක නම් එල.. ඉබ්බ නැති වෙන්න ඇති හික් හික්

  2. සමීර said,

    ජූනි 20, 2010 at 5:25 ප.ව.

    මම අදමයි මෙතනට ආවෙ!
    නියම කථාවක්! එළ!

  3. ජූනි 20, 2010 at 6:06 ප.ව.

    හරි හොඳ කතාව…..

  4. tharindu said,

    ජූනි 20, 2010 at 8:08 ප.ව.

    අනේ බං උඹටත් වෙන දේවල්…

  5. ජූනි 20, 2010 at 10:00 ප.ව.

    ෆට්ට.

    අපි යනකාලේ ස්කූල් බස් එක තුන්පාරක් ද කොහෙද අලුතෙන් දැම්මා.. දාන දාන සැරේට එහා පැත්තේ ආදරණීය සහෝදරවරු ආදරයෙන් නුගේගොඩදි කුඩු කරන නිසා. කෙල්ලොන්ට කෑ ගහල උන්ගෙ කොල්ලොන්ගෙ පාට් බල බල යන කාලයක් ඒක.

    දැන් ඉතින් ඒ වැඩේ කරන්නෙ අපි. පොඩි එවුන් ටිකක් බස් එකේ ඉඳන් කෑ ගහනව අපිට.

  6. ජූනි 20, 2010 at 11:10 ප.ව.

    ලීඩ්ස් එකේ කළුවගේ ෆිසික්ස් ක්ලාස් එකට පුරුපුරුත් ගියානෙ! සිරා ක්ලාස් එක!!

  7. ජූනි 21, 2010 at 10:01 පෙ.ව.

    මේ ඉබ්බෝ පැළවත්තේ පියතිලක සර්ද? ජයතිලක සර්ද හැබෑටම.

    කොහොම වුනත් අදත් ඉතින් ඉබ්බා නිසා හිනා වුනා මදි නොකියන්න.

    ස්තුතියි මලේ

    ආ කියන්න අමතක වුනා. මේ කලින් නම් ගම් වෙනස් කරලා දැම්ම ඒවා ගැන හොඳ මතකයක් නැහැ වගෙයි පේන්නේ. හූනාගම අද වෙද්දී හෝමාගමම වෙලා නේද? ;D

    • ජූනි 21, 2010 at 10:46 පෙ.ව.

      හී..හී…මතකයි මතකයි 🙂 . මට නං හොයන්න ගිහිං එපා වුනා අප්පා.ඔන්න ඔහේ ලියලා දැම්මා.කල්පනා කරා කල්පනා කරා නං එන්නෙ නෑනෙ. මොළේ මළකඩ කාලද කොහෙද? හිහ්… 😛 එහෙම තිලක කෙනෙක් තමා පැළවත්තේ හිටියේ.ඉස්තූතියි කොමෙන්ට් වලට.හී…. 🙂

  8. දුකා said,

    ජූනි 21, 2010 at 1:56 ප.ව.

    hik hik hik . . shool yana kaale pissu wada . . maara joli dan matak wena kotath

  9. Grey said,

    ජූනි 30, 2010 at 5:50 ප.ව.

    යුධබාහුකියන්නේ මේ අපේ රනබාහුවනේ. ඇති යන්තන් අපේ ඉස්කෝලෙ එකෙක් ගැන කිව්වා.
    බලන් ගියාම උබටත් වෙන දේවල් 😛


ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: